கிளி/ பூநகரி ஶ்ரீ விக்னேஸ்வர மகா வித்யாலயாத்தின் அத்தியாவசிய தேவையாக இருந்த நிழற்படஇயந்திரம்(Copy machine) கொள்வனவு செய்து வழங்கியுள்ளோம். பெறுமதி 220 000 இலங்கை ரூபா.

உலகளாவிய கொரோனா பேரிடர் காலகட்டத்தில் கற்றல் கற்பித்தல் போன்றவற்றை இலகுபடுத்த இச்சாதனம் பேருதவியாக உள்ளதென அப்பாடசாலை சமூகம் தமது நன்றியறிதலை தெரிவித்துள்ளது.

எமது தாயக உறவுகள் தொடர்ச்சியாக பலவிதமான நெருக்கடி நிறைந்த வாழ்க்கைச்சூழலையே சந்தித்து வருவதை நாம் அனைவரும் அறிவோம். பல்வேறு தேவைகள் பூர்த்தியாகாமல் இருந்தாலும் மாணவர்களின் கல்விவளர்ச்சியையே கூர்ந்து கவனித்தும் அதையொட்டி உதவுவதிலுமே ஒன்றியம் மிகுந்த ஈடுபாட்டுடன் செயல்பட்டு வருகின்றது.

ஓன்றியத்தின் உதவித்திட்டங்களுக்கு பக்கபலமாக இருந்து இவ்நற்பணிகளை இலகுபடுத்த தமது பெறுமதிமிக்க நேரங்களை எமக்கு நல்கிவருவது மட்டுமல்லாது எவ்வித உதவியையும் எதிர்பாராது சேவைமனப்பான்மையுடன் ஒன்றியத்துடன் இணைந்து தாயகத்தில் பங்காற்றிவரும் அனைத்து நல்உள்ளங்களுக்கும் ஒன்றியம் நன்றிகூற கடமைப்பட்டுள்ளது.