மூன்று மாடிகள் கொண்ட முற்பது வகுப்பறைகள்

சாவகச்சேரி இந்துக் கல்லூரி கடந்த 120 ஆண்டுகளாக வட இலங்கையில் உயர்தரக் கல்வியை வழங்கி வரும் ஒரு தொன்மையான மற்றும் தலைசிறந்த கல்வி நிறுவனமாக விளங்குகிறது. பல துறைகளில் மதிப்புக்குரிய சாதனைகளைப் பதிவுசெய்த எண்ணற்ற பழைய மாணவர்களை உருவாக்கி, அவர்களின் பெருமைக்குரிய பங்களிப்புகளின் மூலம் இந்நிறுவனத்தின் கீர்த்தி உலகளாவிய அளவில் உயர்ந்து வருகிறது.

கல்லூரியின் கல்விச் செயல்திறன் தொடர்ந்தும் மேம்படுவதற்காக பௌதீக வசதிகளின் விரிவாக்கமும் நவீனமயமாதலும் அவசியம் என்பதை கருத்திற்கொண்டு, அதிபரின் தொலைநோக்கு முனைப்பின் அடிப்படையில் மூன்று மாடிகளைக் கொண்ட, முப்பது வகுப்பறைகள் அமையும் புதிய கட்டிடத் திட்டம் முன்னெடுக்கப்பட்டுள்ளது. இத்திட்டத்தை நடைமுறைப்படுத்த தேவையான அனைத்து ஆவணங்களும் அரசாங்க அனுமதிகளும் வெற்றிகரமாகப் பெறப்பட்டுள்ளன.

இம்மாபெரும் மேம்பாட்டு முயற்சிக்கான நிதி சேகரிப்பு உலகளவில் பரந்து வாழும் பழைய மாணவர்கள் மத்தியில் முன்னெடுக்கப்பட்டு வருவது குறிப்பிடத்தக்கது. தாய்க்கல்லூரியின் முன்னேற்றத்திற்காக அவர்கள் வெளிப்படுத்திய தன்னார்வம், அர்ப்பணிப்பு மற்றும் ஒற்றுமை, நிறுவனத்தின் நிலையான மதிப்புகளுக்கு மறுபடியும் வலுசேர்க்கின்றன.

இந்தப் பெரும் முயற்சியில், நோர்வே பழைய மாணவர்கள் ஒன்றியமும் தமது முக்கிய பங்களிப்பை வழங்குவதில் மகிழ்ச்சி கொள்கிறது. சுமார் 8.9 மில்லியன் இலங்கை ரூபாய் நிதியை இத்திட்டத்திற்காக அளித்ததுடன், புதிய கட்டிடத்தின் முதலாவது மாடியில் அமைக்கப்படும் ஒரு வகுப்பறைக்கான முழுமையான அனுசரணையையும் ஒன்றியம் பெருமையுடன் மேற்கொள்ளுகிறது. இப்பங்களிப்பு தொடர்பாக தமது அங்கத்தவர்கள், ஆதரவாளர்கள் மற்றும் சமூக நலனில் ஈடுபட்டுள்ள நல் உள்ளங்களுக்கு ஒன்றியம் மனமார்ந்த நன்றியைத் தெரிவித்துக் கொள்கிறது.

இந்நிதியுதவி, எமது தாய்க்கல்லூரியின் பௌதீக வளம் மேலும் விரிவடையவும், எதிர்கால மாணவர்களின் கல்விச் சூழல் மேம்படவும் முக்கியமான படிகட்டாக அமையும். இந்த உயர்ந்த முயற்சியில் பங்களித்த அனைவருக்கும் எமது நிறுவனத்தின் சார்பில் ஆழ்ந்த நன்றியைத் தெரிவித்துக் கொள்கிறோம்.