எமது நோர்வே பழைய மாணவர் ஒன்றியம் எமது மற்றைய சங்கங்களில் இருந்து சற்றுவித்தியாசமானது. நோர்வே பழைய மாணவர் ஒன்றியத்தில் தென்மராட்சியை சேர்ந்த பலரும்பிரதிநிதித்துவம் செய்கின்றார்கள். அந்தவகையில் அவர்களது உதவித்திட்டங்களும் தென்மராட்சிமுழுவதற்குமானதாக இருக்கின்றது. தற்போது தென்மராட்சியை தாண்டி விரிவடைந்து பூநகரிபோன்ற பகுதிகளுக்கும் உதவி வருகின்றனர். அந்தவகையில் பலருக்கும் பல்வேறு உதவிகளைவழங்கும் எமது பாடசாலையின் அமைப்பாக செயல்படுவது எமக்கு மிகவும் மகிழ்ச்சியான விடயம்.

2013 ல் வறுமை கல்விக்கு தடையாக இருக்க கூடாது என்ற நோக்கத்தில் இவர்கள் முக்கியமான“மாணவர்களின் கல்விக்கான பண உதவித்திட்டத்தினுடாக” எமது பாடசாலையின் மாணவர்கள்தெரிவுசெய்யப்பட்டு 2015ம் ஆண்டு தொடக்கம் இவர்களுக்கு வழங்கப்படும் பணமானது எவ்விதவிரயம் இன்றி இம்மாணவர்களின் கல்விக்கு பெரிய உறுதுணையாக இருக்கின்றது. எமதுபாடசாலையை போன்று உள்ள வேறு பாடசாலைகளையும் இனம் கண்டு அவர்களது இப்பணிதொடர வாழ்த்துகின்றேன்.

எமது பாடசாலை அமைந்துள்ள பிரதேசமானது குடிநீர் உவர் தன்மை கொண்ட பிரதேசம். எமது பாடசாலை பிள்ளைகளின் குடிநீர் தேவையை நிவர்த்தி செய்ய நோர்வே – சா. இந்துக்கல்லூரி பழைய மாணவர் ஒன்றியத்தின் இளையோர் அமைப்பினர் தாமாக முன்வந்துநிறைவேற்றி தந்ததும், புலம்பெயர் தேசத்தில் பிறந்த பிள்ளைகளின் தாயகத்தை நோக்கியசிந்தனை மிகவும் பாராட்டப்பட வேண்டியது.

நான் ஒன்றியத்தின் எல்லா நிகழ்விலும் கலந்துகொண்டு அவர்களின் ஓவ்வொருமுன்னேற்றத்தையும், சிறப்பான சேவைகளையும் அவதானித்து என்னால் முடிந்த பங்களிப்புகளையும் செய்திருக்கிறேன். இவர்களுடைய செயல்களில் இரண்டாம் தலைமுறை சந்ததியினரைதாயகத்தை நோக்கி திருப்பிவிட்டது மிகப்பெரிய பணியாக பார்கின்றேன்.